ಕನ್ನಡಿ

ಕನ್ನಡಿಯಲ್ಲಿ ಹುಡುಕಲೇ ನಿನ್ನ ನಗುವಂದನು 

ಮುನ್ನುಡಿಯಲಿ ಬರೆಯಲೇ ನಿನ್ನ ಹೆಸರೊಂದನು 

ನಾ ಬರೆವ ಪುಸ್ತಕ ಅದೇ ನಿನ್ನ ಹೆಸರು 

ನಿನ್ನೆಸರಲ್ಲೇ ಕುಳಿತಿದೆ ನನ್ನ ಉಸಿರು I I 

ಮನಸಲ್ಲೀಗ ಶುರುವಾಗಿದೆ ಗೀಚುವ ಖಯಾಲಿ 

ಪ್ರೀತಿಯ ಕುಸುರಿಯಂತು ನನಗೀಗ ಮಾಮೂಲಿ 

ಎಷ್ಟೇ ಬರೆದರೂ ಸಿಗುತ್ತಿಲ್ಲ ಯಾವುದು ಸ್ವಾರಸ್ಯ 

ಮರೆಯಾಗುತ್ತಿದೆ ಈಗ ಪದಗಳ ಸಾಮರಸ್ಯ 

ಕನ್ನಡಿಯಲ್ಲಿ ಹುಡುಕಲೇ ನಿತ್ಯ ಒಲವೊಂದನು 

ಮುನ್ನುಡಿಯಲಿ ಬಿಡಿಸಲೇ ನನ್ನ ಕನಸೊಂದನು I I   

ಇರುವಾಸೆ ಒಂದೇ ನಾ ಹೇಳ ಬಂದೆ 

ತಂಗಾಳಿ ತಂದ ಮುಂಗಾರು ನೀನು 

ಮೆಳೆಗಾಲ ತಂದೆ ನೀ ನನ್ನ ಮನಕೆ 

ಮಗುವಾಗಿ ಓರಗೆ ನೀ ನನ್ನ ಎದೆಗೆ